Microsoft го претстави својот најнов интернет пребарувач BING (www.bing.com).

BING претставува нов search engine на Microsoft, дизајниран да направи многу повеќе за вас отколку само да ви помогне да ги најдете потребните информации. Со помош на новите алатки за организација, BING ги уредува пронајдените резултати и го скратува времето за донесување информирана одлука врз основа на тие информации.

„Денес, интернет пребарувачите се доволно добри за да сурфате по интернет и да пребарувате информации, но не помагаат доволно во искористувањето на пронајдените информации“ изјави Стив Балмер, Генерален директор на Microsoft. „Кога почнавме со дизајнирање на Bing, сакавме да се здобиеме со длабоко разбирање за тоа како луѓето сакаат да го користат Интернетот. Bing е прв важен чекор во нашите напори да понудиме иновации во пребарувањето на Интернетот, што ќе им помогнат на луѓето да ја најдат бараната информација брзо и да ја искористат истата во завршувањето на секојдневни задачи и носењето на паметни одлуки.“

Како резултат на извршените истражувања, Microsoft го изгради BING врз следниве столбови:

• Пронаоѓање на резултати и пристап до релевантни информации со само еден клик

• Високо организирано пребарувачко искуство

• Едноставни задачи и поедноставување на процесот на донесување клучни одлуки врз основа на пронајдените резултати

За да се уверите самите што се’ тој може да направи за вас, посетете го следниов линк и започнете со вашето BING искуство :)

  http://www.discoverbing.com/tour/index.htm#