Скопје, 23.09.2002. Денес, на 23-ти Септември 2002 година Логин Системи потпиша договор за дистрибутерство со светскиот производител на мрежна и Интернет опрема, Cisco Systems од САД.

„Визијата на Логин Системи е да биде водечки провајдер на системи, солуции и услуги во областа на е-бизнисот и е-владата.“ изјави Венко Глигоров, директор на Логин Системи. „За да ја оствариме таа визија, определбата на Логин Системи е да соработува со светските лидери што произведуваат хардвер, софтвер и услуги. Овие производи и услуги, поврзани со производите и услугите на Логин Системи обезбедуваат иновативни начини на користење на ИТ во реализацијата на визиите на компаниите и институциите во Македонија и регионот.“

Моментално од мрежна опрема, Логин Системи нуди ISDN и WAN решенија од фирмата Eicon Networks која има значаен удел на пазарот во Македонија. Исто така Логин Системи нуди свичови и хабови од Hewlett-Packard. Сепак, овие производители не се ориентирани кон робусни решенија за поголемите корисници во делот на Интернет, WAN и VPN поврзувањата.

Затоа, Логин Системи воспостави соработка со светскиот лидер Cisco Systems и потпиша дистрибутерски договор. Според овој договор, Логин Системи ќе ги насочи своите активности кон (1) залиха на производите на Cisco за промптна испорака; (2) обезбедување на финасиски и логистички опции за своите партнери; (3) обезбедување поддршка на партнерите во поглед на знаење и искуство со производите на Cisco; (4) маркетинг.

„Ни претстои градење на продажна мрежа која ќе биде составена од најквалитетни ИТ фирми од Македонија“ изјави Коча Бошку, продуктен специјалист за Cisco во Логин Системи. „Нашиот модел на продажба е да ги опслужуваме корисниците преку продажни партнери кои може да понудат целосни решенија базирани на производите што ги дистрибуираме. “

До крајот на годината, Логин Системи планира да инвестира повеќе од 100.000 долари за (1) обучување на вработените за продажни и технички вештини; (2) обучување на партнерите за производната програма на Cisco; (3) присуство на врвни стручни лица и маркетинг настани; (4) воспоставување на инфо и хелплинија за Cisco; (5) залиха на производи и резервни делови.