Скопје, 26.04.2000
„Ние, Венко Глигоров (Логин Системи), Ѓоко Јосифовски (Неоком) и Герасим Ванчев (Семос Компјутери); покренуваме иницијатива за формирање на Здружение на информатички куќи во Македонија.“ започнува во писмото Венко Глигоров, директор на Логин Системи.
Иницијативата веднаш ја прифатија следните фирми:
- Семос Компјутери, Скопје
- Неоком, Скопје
- Логин Системи, Скопје
- МБС, Скопје
- Ултра, Скопје
- Макпетрол, Скопје
- ЕЦС, Скопје
- Паком, Скопје
- Кодекс, Кавадарци
Во продолжение следи преглед на содржината на писмото упатено до 50тина ИТ фирми во Македонија.
Цели на здружението
--------------------------------
- Подобрување на законските и економските прописи и услови (намалување на царини, ДДВ, итн)
- Заштита на информатичките куќи од нелојалната конкуренција
- Заштита на потрошувачите
- Активности на зголемување на продажбата на производите и услугите на членките на Здружението
Начин на работа
-------------------------
Здружението се планира да работи на професионална основа: вработен, канцеларија, итн. Како Иницијативен одбор потребно е да партиципираме со по 300 ДМ за покривање на иницијалните трошоци за отварање на здружението. Наскоро ќе добиете и бизнис план за работењето на Здружението во наредниот период. Здружението ќе се финансира од членарина на членките на Здружението - околу 100 фирми што се занимаваат со продажба на производи од областа на хардверот и софтверот како и информатичките услуги.
Во здружението ќе членуваат фирми коишто ќе ги задоволуваат критериумите поставени од Здружението. Фирмите од иницијативниот одбор ќе бидат кандидати за Управен одбор на здружението.
Придобивки
-------------------
Придобивките од постоењето на Здружението се повеќекратни: зголемена продажба, подобри услови за работа, подобра поставеност на пазарот, заштита на трудот и инвестициите, итн.
Следни чекори
-----------------------------
- Потребно е да го пријавите Вашето учество во ИО со Reply на оваа порака најдоцна до петок, 28.04.2000.
- Веднаш после празникот ќе избереме адвокат којшто ќе ја „брка“ постапката за регистрација и подготовка на потребните документи
- Ќе ги информираме сите информатички куќи што сакаат да се зачленат и ќе ја одредиме членарината (средина на Мај)
- Ќе поставиме одговорно лице за водење на Здружението и поставување на критериуми за постанување на член (Крај на Мај/почеток на Јуни)
- Прибирање на членарина и почеток со работа (1ви Јули 2000)
|