Напис во „Нова Македонија“ од 21.11.1991 година

Скопје, 21.11.1991: Денес, официјално почна со работа фирмата за компјутерски консалтинг и инженеринг, Логин Системи. Основната дејност на Логин Системи е одржување на компјутерска обука во компјутеризирана училница.

„Ќе почнеме со оперативниот систем MS-DOS, програмскиот јазик dBASE и процесорот за текст MS Word. Привот степен трае 15 часа додека за ученици курсот трае 21 час, а за работните организации - по договор. Во работењето на училницата се вклучени тројца електро-инженери - информатичари“ за Нова Македонија изјави Венко Глигоров, директор на Логин Системи.

„Ќе видиме кој побрзо ќе се развива: Република Македонија или Логин Системи“ се праша повеќе во шега Венко Глигоров пред присутните гости и новинари алудирајќи на тоа што формирањето на Логин Системи се поклопува со усвојувањето на Уставот на РМ и почетокот на самостојноста на Република Македонија.

Инаку интересирање за работењето на училницата покажуваат приватните претпријатија бидејќи можат да добијат знаења за компјутерското, финансиското и магацинското работење, столното издаваштво и слично.