MARCH 9-12, 1993 – WALT DISNEY WORLD DOLPHIN HOTEL,

ORLANDO, FLORIDA

 

 

Конференцијата Tech Ed ја организира Microsoft за првпат на своите партнери и фирми коишто градат компјутерски решенија базирани на производите на Microsoft.

 

Конференцијата имаше едукативен карактер за постоечките и новите технологии во софтверската наука, со решенија базирани на визуелниот оперативен систем MS Windows.

Конференцијата се одржа во најживописниот и најатрактивниот дел на Флорида-во луксузните хотели на Walt Disney World, Orlando.

 

 

Сесиите на конференцијата беа презентирани од експертите во соодветните области: инжинери и развивачи на софтвер на Microsoft, водечки експерти за компјутерски решенија во индустријата на САД, експерти на Microsoft Consulting Services, инструктори на Microsoft University, и независни технички стручњаци.

 

Бил Гејтс на Tech-Ed 93 - од апаратот на Катерина Тодорова, Логин Системи

Конференцијата ја отвори првиот човек на Microsoft, најбогатиот човек во Американската бизнис историја, William H. Gates.

 

Секое утро почнуваше говор на потпретседателите на Microsoft: Paul Mauritz, Senior Vice President, Systems Division; Patty Stonesifer, Vice President, Support и David Fulton, Chief Database Architect, основач на Fox Software.

 

 

Предавањата беа распоредени по следните области:

-         Microsoft Access;

-         Microsoft C/C++;

-         Microsoft COBOL;

-         Microsoft FORTRAN;

-         Microsoft FoxPro;

-         Microsoft LAN Manager;

-         Microsoft Mail;

-         Multimedia;

-         Management and technology;

-         Microsoft Windows NT

-         Microsoft Project;

-         Pen computing;

-         Microsoft SQL Server;

-         Microsoft Visual Basic;

-         Microsoft Word;

-         Workgroup;

-         Microsoft Windows;

-         Microsoft Excel.

 

 

Венко Глигоров ја разгледува првата верзија на TechNet

На 9 Март, во свечена атмосфера во Walt Disney MGM-Studios, почна да работи Microsoft Technical Information Network (TechNet). Задачата на TechNet е да биде извор на техничка и стратегиска информација за програмирање во Windows.

 

Microsoft вложува огромни средства за поддршка на оние технички лица што работат и програмираат во Windows.

 

 

Со преку 20 милиони регистрирани корисници (заедно со MS-DOS преку 100 милиони корисници), MS Windows е најраспространета платформа за работа со компјутерите. На компјутерите ширум светот се инсталираат повеќе од еден милион копии на Windows месечно. Претседателот Bill Gates очекува продажба од преку 120 милиони копии на MS Windows и MS Windows NT до 1995 година. Наведена беше паралела со оперативниот систем UNIX со “скромни” два милиони (и тоа разни верзии), а се предвидуваат до 4 милиони корисници до 1995 година.

 

Бидејќи кај многумина постои недоразбирање што е разликата меѓу Windows NT и Windows 3.1 на конференцијата се разрешија и тие дилеми. Windows ќе се продава и инсталира на најниската и средната категорија на персонални компјутери, а Windows NT ќе работи на најсилните персонални компјутери (со процесор 80486 и новиот Intel Pentium), како и на компјутерите со RISC технологија. Во март 1994 година ќе излезе нова верзија на Windows – MS Windows 4.0 (проект со шифра Cairo). Веднаш потоа ќе излезе и верзијата MS Windows NT 4.0 (проект со шифра Chicago).

 

За тимска работа во малите фирми и големите организации, Microsoft го прошири Windows со функции за работа во мрежа, електронска пошта и делење на уреди. Овој продукт се вика Windows for Workgroups и може да се употребува на места каде што веќе е инсталиран мрежен оперативен систем (Novell, LAN Manager или Vines).

 

 

Најпопуларниот оперативен систем MS-DOS ги одбројува своите последни години; 1993 година може да биде и последна. Во месец април излегува верзијата MS-DOS 6.0, практично без некои подобрувања во системот, но со дополнувања во услужните програми и алати. Во првата половина на 1994 година ќе излезе MS-DOS 7.0. Според раководните луѓе на Microsoft, MS-DOS нема да претрпува големи измени, туку ќе се чека пазарот да одлучи кога конечно ќе се исфрли од употреба и комплетно се замени со MS Windows.

 

 

Нашата фирма ќе продолжи со партнерството со Microsoft на неколку полиња.

 

-         Компјутерски и програмски решенија со програми на Microsoft; продажба, инсталација и техничка поддршка на продуктите на Micrsoft; надоградба (up-grade) на програми и регистрација;

-         Развој на софтвер за специфична намена во бизнисот и науката;

-         Компјутерска едукација на кадри во компјутерска училница; помош при вработувањето.